Pyetja: Shohim tërmete të shumta në shumë shtete si p.sh.: Turqi, Meksik,Tajvan, Japoni dhe në shumë vende të tjera. Çfarë argumenton kjo?
Përgjigjja: Elhamdulilah, salavatet dhe shpëtimi qoftë mbi të Dërguarin e Allahut, mbi familjen, shokët dhe të gjithë ata që e ndjekin udhëzimin e tij, më pastaj:
Allahu i Lartësuar është i Urtë, i Gjithëditur në atë që e cakton dhe vendos, Allahu i Lartësuar krijon çfarë dëshiron prej ndodhive dhe i cakton ato për ti frikësuar robërit e Tij dhe si përkujtim për ta ndaj asaj që e kanë obligim në të drejtën e Allahut dhe për t`ua tërhequr vërejtjen njerëzimit nga Shirku dhe kundërshtimi i urdhrit të Tij dhe kryerjeve të atyre gjërave që i ka ndaluar, sikur tregon për këtë Allahu i Lartësuar: Ne nuk i dërgojmë për tjetër vetëm për frikësim. (Isra, 59) Dhe thotë Allahu Fuqiplotë: Ne do t’ua bëjmë atyre të mundshme që t’i shohin argumentet Tona në horizonte dhe në veten e tyre deri që t’u bëhet e qartë se ai (Kur’ani) është i vërtetë. A nuk mjafton që Zoti yt është dëshmitar për çdo gjë? (Fussilet, 53) Dhe thotë Allahu Fuqiplotë: Thuaj: “Ai ka fuqi (t’ju shpëtojë, por edhe) t’ju sjellë dënim prej së larti ose prej së poshti nën këmbët tuaja apo t’ju ndajë në grupe e ta luftoni njëri-tjetrin. Shih se si i sqarojmë faktet në mënyrë që të kuptojnë”. (En`am, 65)
Transmeton Buhariu në Sahihun e tij nga Xhabir ibn Abdullah radijAllahu anhu nga i Dërguari salAllahu alejhi ve selem që ka thënë kur ka zbritur fjala e Allahut të Madhëruar: Thuaj: “Ai ka fuqi (t’ju shpëtojë, por edhe) t’ju sjellë dënim prej së larti. Ka thënë: Kërkoj mbrojtje me fytyrën Tënde ose prej së poshtmi nën këmbët tuaja ka thënë: Kërkoj mbrojtje me fytyrën Tënde (Sahihul Buhari 5/193)
Transmetohet nga Ebu Shejh Asbahani nga Muxhahid në komentin e këtij ajeti: Thuaj: “Ai ka fuqi (t’ju shpëtojë, por edhe) t’ju sjellë dënim prej së larti. D.m.th: Krismë, gurë dhe furtuna (dallga) ose prej së poshtmi nën këmbët tuaja ka thënë: Britma dhe shafitje.
S`ka dyshim se ajo çfarë po ndodh prej tërmeteve gjatë këtyre ditëve në shumë vende është prej argumenteve me të cilat Allahu i frikëson robërit e Tij dhe çdo gjë që ndodh në këtë ekzistencë prej tërmeteve dhe ndodhive të tjera që u bën dëme dhe është shkak për dhimbje dhe shqetësime të lloj-llojshme, të gjitha këto ndodhin për shkak të shirkut dhe mëkateve, siç tregon Allahu i Madhëruar: Çfarëdo e keqe që mund t’ju godasë, ajo është pasojë e veprave tuaja (të këqija), e për shumë të tjera Ai u falë. (Shuraa, 30) Dhe thotë Allahu i Madhëruar: Çfarëdo e mire që të vjen është nga All-llahu, e çka të ndodhë nga ndonjë e keqe është nga vetë ti. (Nisa, 79) Dhe thotë Allahu për popujt e mëhershëm: Secilin prej tyre e kemi dënuar për shkak të mëkatit të vet; disa prej tyre Ne i goditëm me furtunë plot rërë, disa i shkatërruam me krismë nga qielli, kurse disa të tjerë i sharruam në tokë dhe disa i përmbytëm në ujë. All-llahu nuk u bëri atyre ndonjë të padrejtë, por ata vetes së tyre i bënë padrejtë. (Ankebut, 40)
Pra, është obligim për muslimanët dhe të tjerët pendimi tek Allahu i Madhëruar dhe qëndrimi në fenë e tij, ruajtja nga çdo gjë që Allahu e ka ndaluar prej shirkut dhe mëkateve në mënyrë që të arrihet shpëtimi në dynja dhe ahiret prej të gjitha dëmeve dhe ti mbron Allahu nga fatkeqësitë dhe t`u dhuron çdo mirësi, sikur tregon Allahu i Lartësuar për këtë: E sikur banorët e këtyre vendbanimeve të kishin besuar dhe të ishin ruajtur, Ne do t’ju hapnim begati nga qielli e toka, por ata përgënjeshtruan, andaj i dënuam me shkatërrim për atë që merituan. (A`raf, 96) Thotë Allahu në çështjen e ithtarëve të Librit: Dhe, sikur ta zbatonin Tevratin, Inxhilin dhe Kur’anin, që u zbritën nga Zoti i tyre, ata do të kishin furnizim me bollëk nga qielli dhe toka. Është një grup i drejtë (i matur) prej tyre, por është e keqe ajo që punojnë shumica prej tyre. (Maide, 66) Dhe thotë Allahu i Madhëruar: A mos u siguruan banorët e fshatrave nga dënimi jonë kur ata ishin fjetur (natën)? A mos u siguruan banorët e fshatrave nga dënimi jonë paradite, kur ata ishin duke luajtur? A mos u siguruan ata prej ndëshkimit të All-llahut? Nuk sigurohet kush prej frikës së ndëshkimit të All-llahut pos njerëzve të humbur. (A`raf, 97-99)
Thotë ibn Kajjimi Allahu e mëshiroftë: Allahu i Lartësuar i jep leje tokës në disa raste të merr frymë dhe ndodhin tërmete të mëdha dhe kjo bën që të frikësohen dhe trishtohen njerëzit, ti kthehen Allahut duke i braktisur mëkatet dhe kthimi tek Allahu, keqardhja nga mëkatet, siç kanë thënë disa nga selefët kur është dridhu toka: Allahu i dërgon këto tërmete që ju të ktheheni dhe të pendoheni. Ka thënë Omer ibn Hattabi radijAllahu anhu kur është dridhur Medina u ngrit ligjëroi dhe këshilloi dhe tha: Nëse edhe njëherë ndodh unë nuk do të jetoj më në Medine.
Transmetimet në këtë çështje nga selefët janë të shumta.
Është obligim kur ndodhin tërmetet dhe ndodhitë tjera prej eklipseve, furtunave - nxitimi në pendim tek Allahu i Lartësuar, gjunjëzimi tek Allahu, kërkimi i faljes dhe shpëtimit, shpeshtimi dhe kërkimi i faljes, siç ka thënë Pejgamberi alejhi selam kur është zënë dielli: Kur të shihni ndonjë gjë prej kësaj nxitoni në përmendjen e Allahut në lutje dhe kërkim të faljes. (Transmeton Buhariu 2/30 dhe Muslimi 2/628).
Preferohet gjithashtu mëshira ndaj të varfërve dhe skamnorëve dhe lëmosha (sadakaja) ndaj tyre për shkak të hadithit të Dërguarit salAllahu alejhi ve selem i cili ka thënë: Mëshironi që të mëshiroheni. (Transmeton Ahmedi) pastaj: Të mëshirshmit i mëshiron i Gjithëmëshirshmi, mëshironi ata që janë në tokë ju mëshiron Ai që është në qiell. (Transmeton Ebu Davudi 13/285 dhe Tirmidhiu 6/43) dhe hadithi i të Dërguarit: Kush nuk mëshiron nuk mëshirohet. (Transmeton Buhariu 5/75 dhe Muslimi 4/1809), Transmetohet nga Omer ibn Abdul Aziz, Allahu e mëshiroftë, se ju ka shkruar prijëseve të tij kur kanë ndodh tërmetet që të japin sadaka.
Prej shkaqeve të shpëtimit prej çdo të keqe është marrja e udhëheqjes nga duart e mendjelehtëve dhe tu jepet atyre që janë në hakk (në të vërtetën), gjykimi me ligjin e Allahut, urdhërimi për të mirë dhe ndalimi nga e keqja, sikur thotë Allahu i Madhëruar: Besimtarët dhe besimtaret janë të dashur për njëri-tjetrin, urdhërojnë për të mirë, e ndalojnë nga e keqja, e falin namazin dhe japin zeqatin, respektojnë All-llahun dhe të dërguarin e Tij. Të tillët do t’i mëshirojë All-llahu. All-llahu është ngadhënjyes, i urtë. (Teube, 71)
Thotë Allahu Fuqiplotë: E All-llahu patjetër do ta ndihmojë atë që ndihmon rrugën e Tij, se All-llahu është shumë i fuqishëm dhe gjithnjë triumfues. (Ai ndihmon) Ata të cilët kur Ne u mundësojmë vendosjen në tokë, e falin namazin, japin zeqatin, urdhërojnë për të mirë dhe largojnë prej të keqes. All-llahut i takon përfundimi i çështjeve. (Haxh, 40-41)
Thotë Allahu i Madhëruar: E kush u përmbahet dispozitave të All-llahut, atij Ai i hap rrugë, dhe e furnizon atë prej nga nuk e kujton fare. Kush i mbështetet All-llahut, Ai i mjafton atij. (Talak, 2-3)
Ajetet në këtë kuptim janë të shumta.
Ka thënë i Dërguari salAllahu alejhi ve selem: Kush është në ndihmë të vëllaut të tij, Allahu do të jetë në ndihmën e tij. (Transmeton Buhariu 3/98 dhe Muslimi 4/1996). Thotë i Dërguari salAllahu alejhi ve selem: Kush ia largon besimtarit një vështirësi prej vështirësive të kësaj bote, Allahu ia largon një vështirësi prej vështirësive të botës tjetër dhe kush ia lehtëson punën atij që është në vështirësi Allahu do t`ia lehtëson atij punët në këtë botë dhe botën tjetër dhe kush ia mbulon muslimanit një të metë Allahu ia mbulon atij të metat në këtë botë dhe në ditën e Kijametit dhe Allahu është në ndihmën e robit përderisa robi është në ndihmën e vëllait të tij. (Transmeton Muslimi 4/2074).
Hadithet në këtë kuptim janë të shumta.
E lusim Allahun që ti përmirëson gjendjen e të gjithë muslimanëve, tu dhuron kuptim në fenë e tij, tu dhuron qëndrueshmëri në të, pendim tek Allahu nga të gjitha mëkatet dhe tua përmirëson gjërat e tyre në jetë, tu ndihmon atyre në të vërtetën, tua poshtëron atyre armikun, tua mundëson që të gjykojnë me ligjin e Allahut dhe ti ruajt nga të gjitha devijimet, fitnet, cytjet e shejtanit- Ai ka mundësi për çdo gjë.
Shejh Abdul Aziz ibn Abdullah ibn Bazi Allahu e mëshiroftë.
Përgatiti: -Ebu Merjem-
www.botaislame.com