Barcelona mundi Realin 3 me 2

Titulli: Barcelona mundi Realin 3 me 2 Sat 25 Aug 2012, 04:08

Barcelona mundi Realin 3 me 2

Barcelona ka shënuar fitore me rezultat 3 me 2 ndaj Real Madridit në ndeshjen e parë të Superkupës së Spanjës të zhvilluar në Camp Nou....

Pjesa e parë filloi me një lojë të baraspeshuar nga të dyja palët.

Ishte Barcelona ajo që dominoi në posedim, kurse Real Madridi mbrohej me të gjithë lojtarët, duke parë që në lojë mungonte Pepe dhe ishte një talent si Callejon.

Barcelonës i takuan sulmet e para. Lionel Messi u shfaq rrezikshëm në dy mundësi, në të cilat dështoi t’i japë epërsinë ekipit të tij.

Real Madridi kishte mundësi për dy kundërsulme, të cilat dështuan për shkak se Sami Khedira dhe Karim Benzema ishin tejet të pa disponuar për lojë.

Pjesa e dytë ishte më dinamike dhe gjërat ndryshuan shumë. Real Madridi e hapi lojën më shumë dhe kërkonte golin.

Si rezultat, pas një goditje nga këndi të ekzekutuar nga Ozil, ishte Ronaldo, ai që me kokë më së miri u gjend për të shënuar për 1-0 dhe epërsinë e Real Madridit (54’).

Gëzimi i madrilenëve zgjati vetëm dy minuta. Një pasim të Mascheranos e shfrytëzoi Pedro, i cili shënoi bukur për 1-1 dhe barazimin e rezultatit (56’).

Në vazhdim të takimit Barcelona e merr lojën në dorë duke dominuar, edhe pse në lojë inkuadrohen edhe Higuain dhe Di Maria. Ndeshja hapet deri në maksimum.

Pas një aksioni nga Andres Iniesta, ishte mbrojtësi Sergio Ramos ai që ndërhyri ashpër në mesfushorin spanjoll, duke detyruar gjyqtarin tejet kontravers të akordojë penalti. Penalltin me sukses e ekzekutoi Messi, për 2-1 (69’).

Real Madridi pa ndonjë opsion e hap lojën për të kërkuar golin e barazimit.

Këtë e shfrytëzuan Iniesta dhe Xavi, të cilët organizuan një aksion të mrekullueshëm nga cili realizoi ky i fundit për 3-1 dhe tashmë fitoren e Barcelonës të sigurt në këtë takim (77’).

I inkuadruari në lojë, Di Maria, i komplikoi gjërat për katalanasit, pasi me golin e tij për rezultatin 3-2 realizuar në minutën e 85-të, gjithçka për Superkupën është e hapur.

Ndeshja përfundoi me rezultat 3 me 2 dhe gjithçka është e hapur për sfidën kthyese që zhvillohet në Santiago Bernabeu pas një jave.

Real Madridit i mjafton një fitore minimale për të fituar trofeun, kurse Barcelona me një barazim do të ishte triumfuese.

Kurse me këtë fitore, katalunasit i kanë barazuar shifrat në duele reciproke me mbretërit (87 fitore Reali, 87 fitore Barcelona – 48 barazime).

» Kaka: Dua të luaj për Realin
» Shpëton Barcelona