Fikhu i të Dërguarit të Allahut, sal-lAllahu alejhi ue selem

Fikhu
i të Dërguarit të Allahut, sal-lAllahu alejhi ue selem

Në shumë
raste shohim se Fikhu ka hapësirë dhe lëshime apo zbrazëti, ku ka mundësi të
tolerohet e të diskutohet për çështje të veçanta. Por, edhe Fikhu ka dispozita
që nuk bëhen lëshime, e sidomos në çështjet ku kemi argumente.

Vëllezër,
nëse i Dërguari i Allahut, alejhi salatu ue selam, ka thënë me gojën e
tij diçka që duhet bërë, apo e ndalon ndonjë veprim, atëherë nuk ka diskutim dhe
duhet vepruar vetëm ashtu siç ka thënë ai, sal-lAllahu alejhi ue selem,
p. sh: “Faluni ashtu siç më shihni mua duke u falur.”(Buhariu), apo thënia e tij: “Merrni nga unë ritet e Haxhit.”
(Bejhakiu).

Nuk ka
askush të drejtë ta ndryshoje këtë dispozitë, sepse Allahu, xhele
shanuhu, thotë: “Çka t’ju japë i Dërguari, merreni atë, dhe çka
t’ju ndalojë, largohuni nga ajo”. (Hashër, 7).

Sot ende
hasim në mesin tonë të atillë që veprojnë të kundërtën e Sunetit të të Dërguarit
të Allahut, sal-lAllahu alejhi ue selem, duke u bazuar në thëniet e
dijetarëve, apo traditës së vendit, ndonëse është në kundërshtim me hadithe të
sakta që burojnë nga vetë Muhamedi, sal-lAllahu alejhi ue selem. Ky
është pasim i verbër dhe pasim i traditës, që të dyja këto vijnë nga injoranca,
si dhe mosleximi. I riu që sot jeton në këtë shekull, nuk ka arsye që t’i
përmbahet traditës apo ta ndjekë ndonjë hoxhë, duke e pasuar verbërisht. Apo që
me fanatizëm t’i përmbahet ndonjë medh’hebi, pa marrë parasysh se cili është
ai.

Vëllezër
besimtarë, koha e ka bërë të veten. A e dini se argumenti e pret vepruesin, por
vepruesi ngurron dhe ia vështirëson vetes, duke e pasur shumë më lehtë se dikur
më parë. U bëjmë thirrje të rinjve që të mos jetojnë në agoni, por të kthehen në
realitet, e realiteti nuk gjendet vetëm se në këto dy burime: Në Kur’an (libri i
Allahut) dhe në Sunet (veprimtaria e Pejgamberit). Përse të mos e shijojmë të
Vërtetën kur është shumë më e lehtë? Përse e pasoni medh’hebin me fanatizëm, kur
dihet se vetë dijetari Ebu Hanife, Allahu e mëshiroftë, thotë:“Ne jemi njerëz, e themi fjalën sot dhe (mund të) tërhiqemi nga ajo
nesër.” Po ashtu, ai nxënësit të tij, Jakubit (Ebu Jusufit) i
thotë:“Ki kujdes, mos i shkruaj të gjitha fjalët që i
dëgjon nga unë, sepse ka mundësi që sot e them një fjalë, por nesër e them
tjetrën dhe e lë atë fjalë që e kam thënë dje”. Gjithashtu, ai thotë:
“Nëse fjala ime përputhet me hadithin, merreni; por nëse nuk përputhet,
atëherë lëreni fjalën time dhe merreni hadithin, sepse hadithi i të Dërguarit të
Allahut është medh’hebi im.”

Këto i
përmend dijetari i hadithit, Imam Albani në librin e tij “Forma e namazit të të
Dërguarit”. Përse e pason traditën? Tabaraniu, Allahu e mëshiroftë thotë:
“Nuk e pason traditën vetëm se ai që ka inat apo injoranti i mangëti.”
(Mexhmua Rasail).

Allahu,
subhanehu ue teala, thotë: “ Pasoni atë çfarë ju është zbritur
nga Zoti juaj dhe mos pasoni pos Tij eulijatë (të tjerët) përveç Atij. Pak jeni
duke kuptuar”. (Araf, 3)

Edhe pse
dijetarët janë trashëgimtarët e Pejgamberit, sal-lAllahu alejhi ue
selem, nuk do të thotë se e kanë përfshirë diturinë, dhe dijeni se edhe
dijetarërët gabojnë, siç i përmendëm vetë thëniet e tyre, por ai i cili nuk
gabon është ai të cilit i zbiti libri i Allahut e bashkë me të edhe Suneti i
tij.

Allahu i
Lartësuar thotë: “Ai nuk flet nga hamendja e tij, por atij i shpallet
(nga Allahu).” (Nexhëm, 3).

Prandaj,
ki kujdes, mos vallë po ndeshesh me ndonjë bidat, e nuk ke ditur se si të
mbrohesh, këto të fusin në Zjarr. I Dërguari i Allahut, sal-lAllahu alejhi
ue selem, thotë: “Kini kujdes nga risitë, ngase çdo risi është
lajthitje. Çdo lajthitje të humbë dhe çdo humbje të futë në Zjarr.”
(Muslimi).

Edhe pse
flitet për Fikh nuk do të thotë se nuk ka rrezik. Bidati të shtyn që ta refuzosh
Sunetin. Allahu ju ruajt nga çdo bidat dhe ju bëftë prej pasuesve të Kur’anit
dhe Sunetit! Amin!

» Disa kuptime të hixhretit të të Dërguarit -salAllahu alejhi ve selem-
» Cilët janë pasuesit e KUR'AN-it dhe Sunetit ?
» Mrekullitë e Muhamedit salallahu alejhi ue selem
» HAZRETI OMERI (R.A.)
» Si do ta ndije vetën po ta kishe parë të Dërguarin -salAllahu alejhi ve selem-?