Motër e vëlla bashkëshortë, Strasburgu kundër

Motër e vëlla bashkëshortë, Strasburgu kundër

Gjykata Evropiane rrëzoi kërkesën e një çifti gjerman, motër e vëlla në një marrëdhënie incesti, për të pasur një jetë bashkëshortore të njohur nga ligji.

Motër e vëlla bashkëshortë, Strasburgu kundër F1_12-incesti1334246798

Patrick Stuebing dhe Susan Karolevski kanë 4 fëmijë nga marrëdhënie e tyre, dy prej të cilëve me probleme mendore. Gjykata argumentoi vendimin e saj se ligjet gjermane ndalojnë incestin.

Patrick pas lindjes humbi kontaktet me familjen e tij dhe i rivendosi ato rreth moshës 20-vjeçare. Pas vdekjes së të ëmës, Patrick dhe motra e tij, Susan, nisën të jetojnë bashkë. Pas disa viteve ata kërkuan të kurorëzohen në martesë sipas ligjeve, por kjo iu refuzua për shkak të gjakut të përbashkët.

Patrick Stuebing u dënua nga drejtësia gjermane për incest me 3 vjet burg, ndërkohë që motra-bashkëshorte e tij u shpall e pafajshme, pasi vuan nga “çrregullimi i personalitetit” dhe është pjesërisht e përgjegjshme për veprimet e saj.

Çifti thotë se “dashuria e tyre bashkëshortore nuk ka asnjë ndryshim nga dashuria mes personave të tjerë” dhe për këtë vendosën që të padisin autoritetet gjermane në Gjykatën Evropiane për të Drejtat e Njeriut për diskriminim.

Por Gjykata Evropiane rrëzoi kërkesën e tyre, duke mbrojtur vendimin e autoriteteve gjermane. Sipas Gjykatës Evropiane, ligji që ndalon incestin nuk dhunon liritë dhe të drejtat e njeriut.

Incesti është i dënueshëm në legjislacionin e pjesës më të madhe të vendeve të botës për mbrojtjen e vlerave të familjes, por edhe për faktin se nga një bashkim i tillë mundësia për lindjen e fëmijëve me probleme mendore, është disa-fish më e lartë./

» Erdoan: Populli sirian është popull vëlla, nuk mund ti kthejm shpinën
» Protestë afgane kundër sulmit të NATO-s
» Maqedonia kundër ndarjes së Kosovës
» Festival kundër Islamofobisë në Zvicër
» Indi: Muslimanët kundër ardhjes së Salman Rushdiut