KËSHILLA RRETH PASTËRTISË

Hy në tualet duke filluar me këmbën e majtë! Para se të hysh në të, kërkoni mbrojtje-strehim nga Allahu Që t’ju ruajë nga të këqijat e shejtanit të mallkuar!, dhe mos bisedo asgjë brenda saj! Kur ta kryeni nevojën, dilni me këmbën e djathtë duke shqiptuar këtë lutje: Gufráneke!
- Keni kujdes nga të kryerit e nevojës nëpër rrugë apo nën hije Këtu është për qëllim vendi nën hijen e pemëve, ku njerëzit gjatë stinës së verës si rezultat i temperaturave të larta, preferojnë që kohën e tyre ta kalojnë nën hijen e pemëve, sepse një gjë e tillë i lëndon njerëzit!

- Gjatë kryerjes së nevojës nuk duhet të ktheheni nga kibla, e as t’ia ktheni shpinën asaj, përveç nëse jeni brenda ndonjë objekti!

- Gjatë kryerjes së nevojës nuk duhet të ktheheni nga kibla, e as t’ia ktheni shpinën asaj, përveç nëse jeni brenda ndonjë objekti!

- Mënjanoje urinimin në këmbë, aq sa keni mundësi, për shkak që mos t’ju bien stërpikat e saj! Ka shumë raste ku tualetet e muslimanëve nuk janë të rregulluara sipas parimeve islame, në fakt ato i ngjajnë tualeteve te huaja joislame, të cilët pa marrë parasysh se ku na shpie, shumë prej shqiptarëve në këtë rast, kanë bërë konstruktimin e tualeteve që urinën ta kryejnë gjatë qëndrimit ne këmbë. Në të shumtën e rasteve është e pamundur t’i ikësh spërkatjeve. Dihet fare mirë nga historia e bujshme islame se i Dërguari i Allahut [alejhis-selam], duke kaluar pranë disa varrezave kishte treguar që njëri prej të vdekurve është duke u dënuar, vetëm se nuk i kishte kushtuar rëndësi kryerjes së nevojës së vogël. Feja Islame edhe në këtë lëmi ka vendosur bazat dhe rregullat e kryerjes së nevojës së madhe dhe asaj të vogël, prandaj të gjithë ata që dëshirojnë të jetojnë një jetë në baza të shëndosha islame, i këshilloj që të ruhen nga urina, ngase siç thotë edhe i Dërguari i Allahut [alejhis-selam]: “Pastërtia është gjysma e besimit”, prandaj mbetet që t’i zbatojmë thëniet e Muhamedit alejhis-selam.



- Ruaju nga urina, dhe pas mbarimit të urinimit, duhet të pastroni organin gjenital me gurë apo letër, po pate mundësi, pastaj me ujë, sepse përdorimi i të dyjave është më mirë...!

- Mos i shfryni hundët me dorën e djathtë, as mos e pastroni nevojën e madhe me të e as mos e përdorni atë për gjëra të ndyra, por në këto raste përdorni dorën e majtë!

- Bëjini fëmijët synet kur janë të vegjël, sepse synetimi konsiderohet si normë islame! Synetimi është fjalë e gjuhës arabe, e cila është huazuar në gjuhën turke, shqipe dhe shumë të tjera me një kuptim tjetër nga ai që është në gjuhën arabe. Meqë synetimi është traditë profetike, atëherë tek popujt joarabë është huazuar nga fjala sunnet. Në gjuhën arabe, si term i përshtatshëm për operacionin e rrethprerjes ekziston shprehja El Hitan ن ا. Në terminologjinë fetare synetimi do të thotë: “Prerja përreth e lafshës në organin gjenital, në të cilën mblidhet pjesa e mbetur e urinës, ku nuk mund të pastrohet nga brendësia dhe as era e saj e pakëndshme nuk mund të largohet.
Është me rëndësi të përmendim se Imam Maliku dhe të tjerët transmetojnë nga Jahja Ibën Seid se ky e kishte dëgjuar Seid Bin Musejjebin duke thënë: “Ibrahimi është i pari që u bë synet, i pari që priti mysafir, i pari që i rruajti qimet rreth organeve gjenitale, i pari që preu thonjtë, i pari që shkurtoi mustaqet dhe i pari që u thinj. Kur e pa këtë (të thinjurit) tha: Çfarë është kjo (o Zoti im)? Allahu tha: Urtësi. Ibrahimi tha: O Zot! Ma shto urtësinë!