Begatia e sinqeritetit në kërkimin e diturisë dhe në vepra

Begatia
e sinqeritetit në kërkimin e diturisë dhe në vepra

/* */

Nga
sjellja dhe morali i të parëve tanë (selefëve) ishte edhe sinqeriteti (ikhlasi) në kërkimin e diturisë dhe në vepra, si dhe frika
nga prania e syefaqësise (er-rija). Allahu, më i Larti thotë: “…andaj ti
adhuroje Allahun duke qenë i sinqertë në adhurimin e Tij.” (Ez
Zumer 2). I Dërguari (salallahu alejhi ue selem) tha: Allahu nuk pranon
asnjë vepër përveç të sinqertat e që kërkojnë Fytyrën e Allahut
(subhanehu ue teala). (transmeton Nesaiu,
hasen).

Ibrahim et-Tejmi thoshte: I sinqertë është ai i cili i fsheh
veprat e tij të mira ashtu siç i fsheh veprat e tij të
këqija.

Esh-Shabi tha: Është nga morali i dijetarëve që nëse dinin ndonjë pjesë të diturisë, e zbatonin atë në praktike. Kur e praktikonin atë dituri ata e angazhonin veten me praktikën e saj e jo me njerëzit.
Me preokupimin e tyre, prezenca e tyre nuk vërehej
tek njerëzit, dhe kur nuk vërehej prezenca e tyre ata kërkoheshin nga njerëzit, dhe
kur te kërkoheshin ata largoheshin nga frika prej
fatkeqësive që mund
t’u ndodhnin në Din (praktikimin e
saj).

Fudajl Ibn Ijjad shpesh thoshte: Nëse e shihni
ndonjë dijetar apo adhurues që kënaqet me përmendjen e
drejtësis së tij nga
ana e pushtetarëve apo bijve të dunjasë, ta dini se tek ai
ekziston syefaqësia.

Shkaku për të qenë i sinqertë është t’i duash, nëpërmjet diturisë dhe veprave, sendet që
kanë të bëjne me Allahun (subhanehu ue teala). Nga shenjat e
syefaqësisë se matur
është të ndjehesh i gëzuar kur
lavdërohesh apo vërehesh me veprat e tua nga të tjerët. Të parët tanë e konsideronin më
shumë se gjynah të
madh ngase është një formë e shirkut (përshkrim shok
Allahut) të vogël,
dmth nga gjynahet më të
mëdha.

O vëlla, kërkoje veten
tënde në diturinë dhe veprat tua. Qaj nëse
gjen në to syefaqësi
apo dëshirë për t’u vërejtur nga të tjerët, duke ditur se
secili që ka dashur të
vërehet apo shihet do t’i nënshtrohet poshtërimit dhe
do të zbulohet syefaqësia e tij në dunja dhe
ahiret. Ne kërkojmë
mbrojtjen e Allahut (subhanehu ue
teala) në të dy
botërat.

E
marur nga libri "Disa prej karakteristikave të selefëve"

Autor:
Shejkh Ahmed Ferid

» Begatia e sinqeritetit në kërkimin e diturisë dhe në vepra
» Vepra 2 - që të nxjerrë prej Islamit
» Hadithi i nijetit/sinqeritetit-rendesia, vlera, dispozitat dhe urtesite e tij