Gjendja e atyre që janë frikësuar nga zjarri i Xhehenemit

Transmeton imam Muslimi (¹-shënim) nga Enesi, radijAllahu anhu, transmetohet se i Dërguari i Allahut, alejhi selam, tha: "Pasha Atë në duart e të Cilit është shpirti im, sikur ta kishit parë ju atë që unë e kam parë, pak do të qeshnit, e shumë do të kishit qarë: "Dhe sahabët thanë:" E çfarë ke parë o i Dërguari i Allahut?" Ai tha: "E kam parë Xhehenemin dhe Xhenetin."
Ibn Abbasi, radijAllahu anhu, transmeton se i Dërguari i Allahut, alejhi selam, tha: "Kur ndodhi nxirja (eklipsi) e diellit, e pashë zjarrin e Xhehenemit, ajo ishte pamja më e tmerrshme që e kisha parë ndonjëherë." (²)
Transmeton El-E'ameshi nga Muxhahidi nga Ibn Abasi, radijAllahu anhu, transmetimin që i atribuohet të Dërguarit të Allahut, alejhi selam: "Sikur njerëzit në këtë botë ta shihnin zjarrin e xhehenemit nga tmerri i tij do të vdisnin". Disa këtë transmetim ia atribuojnë Ibn Abbasit, radijAllahu anhu.
Abdullah b. Omeri, radijAllahu anhuma, transmeton se i Dërguari i Allahut, alejhi selam, ne hutbe ka thënë: "Mos harroni në dy gjëra të mëdha: Xhenetin dhe Xhehenemin," pastaj filloi të qaj. Derisa lotët e lagnin mjekrën e tij ai tha: "Pasha Atë në duart e të Cilit është shpirti i Muhamedit, sikur të dinit për Ahiretin atë çfarë unë e di do të kishit shkuar në shkretëtirë dhe nga frika dhe përulësia do ta kishit vënë pluhurin mbi kokat e juaja." (³)
Transmeton Ibn Ebi Ed-Dunja me zinxhirin e transmetuesve prej Mus'ira nga Abdule'ale: "Kurdo që një grup nuk e përmend Xhenetin dhe Xhehenemin në ndejën e tyre, engjëjt thonë: "Këta po i neglizhojnë dy gjërat e mëdha".
Amir b. Jesafi transmetohet nga Jahja b. Kethiri se ka thënë: "Zemrat e të devotshmëve thyhen kur e kujtojnë Xhenetin dhe Xhehenemin."
Bekr el-Muzeni transmeton se Ebu Musa el-Eshariu, radijAllahu anhu, mbajti hutbe në Basra në të cilën ai fliste për zjarrin e xhehenemit, qau derisa lotët e tij ranë në minber, dhe të gjithë të pranishmit në xhuma qan.
Ibrahim b. Muhamed el-Basriu ka thënë: "Kur Omer b '. AbdilAzizit i vije një njeri me fytyrë plotësisht të zbehur, Omeri e pyeti: "Pse je i zbehtë dhe i stër-lodhur?" Ai tha: "Sëmundja dhe dobësia o prijës i besimtarëve." Omeri e përsëriti të njëjtën pyetje disa herë dhe mori të njëjtën përgjigje. Njeriu pastaj i tha, "Pasi vetëm këmbëngul në përgjigje, atëherë edhe dëgjo: "Unë e kam ndier ëmbëlsinë e dunjas, kështu që zbukurimet dhe argëtimet ranë nga sytë e mi, ari dhe gurët janë të njëjta tek unë, i paramendoj njerëzit se si shkojnë në Xhenet, derisa mua më shpijnë drejt zjarrit, për këtë arsye unë bëjë ibadet gjatë natës dhe agjëroj gjatë ditës dhe përsëri ibadetin tim e shoh të vogël në krahasim me madhësinë e faljes së Allahut dhe ashpërsinë e ndëshkimit të Tij. "
Ky transmetim është i ngjashëm me Mursel (⁴) transmetimin e Harisit-radijAllahu anhu, zinxhiri i të cilit transmetues nuk është i lidhur. Hadithi transmetohet edhe me zinxhir të lidhur versionin e të cilëve e transmeton Jusuf b. Atija es-Safar i cili në vete përmban dobësi, nga Thabiti dhe ai nga Enesi, radijAllahu anhu, se i Drguari i Allahut, alejhi selam, i tha një djali, ensarij: "Si e ke pritur mëngjesin, Haris?" I riu iu përgjigj, "Unë agova me besim të vërtet në Allahun." "Kujdes se çfarë flet, çdo fjalë duhet të jetë reale." "O i Dërguar i All-llahut, shpirti im ndjen refuzim ndaj dunjas, për këtë arsye unë agjëroj gjatë ditës dhe bëjë ibadet natën, e paramendoj se jam nën hijen e Arshit (fronit të Allahut) dhe i shoh banorët e Xhenetit se si e vizitojnë njëri-tjetrin, dhe banorët e Zjarrit se si bëjnë zhurmë dhe i bërtasin njëri-tjetrit ". Profeti, alejhi selam, pastaj i tha: "E ke njohur thelbin prandaj bëhu i qëndrueshëm në të, ti je rob zemrën e të cilit Allahu e ka ndriçuar me iman". Më e sakta është se ky transmetim është mursel.
Tha Ahmed b. Ebi al-Hivari: "Na ka treguar Ali b. Ebi al-Hivari: "All-llahu ia shpalli Jahja b. Zekeria, alejhi selam: "O, Jahja! Pasha madhërinë Time, sikur ta kishe parë El-Firdeusin nga dëshira do të ishte shkrirë trupi yt dhe shpirti do të nxitonte drejt atij, dhe sikur ta kishe parë Xhehenemin nga vaji do ti kishe gërmuar sytë e tu dhe rrobat e tua do ti zëvendësoje me pranga."
Ibn Ebi el-Dunja përmend transmetimin nga Sufjani i cili tha: "Omer b. AbdilAzizi ishte ulur me shokët, derisa ata bisedonin, Omeri heshti, dikush tha: "Pse nuk flet o udhëheqës i besimtarëve? Omeri u përgjigj: "Mendova për banorët e Xhennetit dhe shoqëritë e tyre dhe për banorët e Zjarrit dhe britmat dhe vuajtjet e tyre ", dhe pastaj ia plasi të qarës.
Është raportuar se Mugis el-Esvedi ka thënë: "Mendoni për varret për çdo ditë, paramendoni bukuritë e xhenetit çdo ditë, kujtoni të qëndruarit në ditën e Ringjalljes çdo ditë, paramendoni dy grupe se si shkojnë drejt Xhenetit dhe Xhehenemit dhe zemra jote dhe trupi yt le të shtangen nga Xhehenemi dhe thellësitë e tij."
Është thënë se Salih el-Muri ka thënë: "E qara të shtyn në pendim nga mëkati, në qoftë se zemra i përgjigjet, mëkatet falen, e nëse jo mëkatet mbesin deri në ditën e Gjykimit, e cila është plotë vuajtje dhe terror, dhe në qoftë se as atëherë nuk lirohet nga ato (mëkatet) hedhet në zjarrin e Xhehenemit, pastaj qau Salihu dhe e humbi vetëdijen dhe nga të gjitha anët u dëgjuan britma.
Tha Ebu Sulejman ed-Darani: "Një natë, Malik b. Dinari i la miqtë e tij dhe doli në oborrin e shtëpisë ku ai qëndroi deri në agim, pastaj u kthye tek miqtë e tij dhe tha: "Derisa isha në oborr m'u kujtuan banorët e Zjarrit, të lidhur në pranga dhe zinxhir, më kalonin në mendime deri në agim."
Duke i përshkruar të devotshmit Se'id el- Xheremi thotë: "Kur ata hasnin në ajetin që përmendej zjarri i xhehenemit, frikësoheshin sikur e dëgjonin buçimën e tij dhe i shikonin mundimet dhe vështirësitë e ahiretit."
Ka thënë Hasan el-Basriu: "Prej robërve të Allahut ka nga ata që janë sikur se ti kenë parë banorët e Xhenentit në gëzimin e përjetshëm dhe banorët e Zjarrit në vuajtjet e përjetshme."
Nga ai është transmetuar se ka thënë: "Pasha All-llahun, nëse njeriu me të vërtet beson në ekzistencën e zjarrit, i tilli nuk mundet të fle i qetë në këtë dunja, derisa hipokritit zjarri mund ti jetë pas shpinës së tij e ai në te nuk do të beson, derisa të hedhet në te."
Vehb b. Munebihi transmeton se një israelit falej në diell të fortë kështu që lëkura e tij ishte bërë e errët, kur e pa një nga kalimtarët- tha: "Ky sikur të ishte në zjarr." I devotshmi ia ktheu: "Kjo ta kujton zjarrin, po çfarë do të bëhej sikur ta shihnim atë?"
Thotë Ibn Ujejne, thotë Ibrahim et-Tejmi: "E kam paramenduar veten në Xhennet, duke i ngrënë frytet e xhennetit dhe duke i përqafuar bukuroshet e xhenetit. Pastaj e kam paramenduar veten në Zjarr, duke i ngrënë frutat e Zekumit dhe pastaj duke pirë ujin e vluar dhe duke u përpjekur të lirohem nga prangat dhe zinxhirët. Atëherë i thashë vetes: "Çfarë donë nga kjo?" Shpirti u përgjigj: "Dëshiroj që të kthehem në dunja në mënyrë që të bëjë vepra të mira." Atëherë i thash (shpirtit): "Vepro vepra të mira para se të kthehesh tek Zoti yt."
-------------------------------------------------- -------------------------
Shenim:
1-Muslimi nr. 426 Libri për namaz dhe En-Nesa’3/83 Libri për sexhdet.
2-Hadithin e transmeton Buhariu, Muslimi, Maliku, Ebu Daudi, Et-Tirmidhiu dhe En-Nesai, "shiko të gjitha versionet e hadithit në veprën Xhami'u-1-Usul nr. 4272
3-Transmetimin me domethënie të ngjashme transmeton imam Hafiz El-Mundhiri në veprën 'Et Tergibu-ve-Terhibu'4 /457, të cilën e përshkruan imami në EbuJa'li El-Musiliji pa shtojca në te. Transmetimin e ka raportuar Et-Taberani, El-Hakimi dhe El-Bejhakiu nga Ebu EdDerda'a e cila thotë: "Sikur ta dinit atë çfarë unë e di pak do të qeshnit dhe shumë do të qanit dhe do të shkonit në shkretëtirë duke kërkuar mëshirën e Allahut. Ky hadith është Hasen (i mirë). Shiko te El-Hakimi 4 / 579 hadith i ngjashëm nga Ebu Dherri, i cili konfirmon hadithin e mësipërm.
4-Hadithi në zinxhirin e të cilit është lënë një sahabij.
Burimi: Frika nga Zjarri dhe njohja e shtëpisë së shkatërrimit
- Ibn Rexheb El-Hanbeli.

» Përshkrimi i Xhehenemit dhe dënimeve e tmerreve të tij.
» Kush janë tekfircat dhe cilat janë bindjet e tyre?
» Cilët janë pasuesit e KUR'AN-it dhe Sunetit ?
» 55 okupator Amerikan-NATO, 16 marioneta janë mbytur, 19 automjete janë shkatërruar gjatë operacionit në Khost
» CILAT JANE DOBITE E AGJERIMIT TE RAMAZANIT?