Kush mund te jet shkaktar i fundit te Amerikes? A ka mundësi që EKGA dhe El-Shebab të jenë shkaktare vdekjeprurëse të Amerikës?

A ka mundësi që EKGA dhe El-Shebab të jenë shkaktare vdekjeprurëse të Amerikës?

Briri i Afrikës është një nga rajonet më të rëndësishme strategjike në botë, me ngushticën Bab el-Mandebo ku Deti i Kuq derdhet në Oqeanin Indian, e cila është një pikë kalimtare për shumicën e tregtisë botërore, shkroi në artikullin e tij, Tomas Mountaini. (Bab el-Mendeb është një ngushticë e cila gjendet në mes Jemenit në Gadishullit Arabik dhe Xhibutit, Eritris dhe Somalisë veriore në Bririn e Afrikës. Kjo ngushticë e lidh Detin e Kuq (dhe kështu edhe kanalin Suez dhe Detin Mesdhe) dhe Gjirin e Adenit, oqeanin Indian, duke e bërë atë një nga pikat më të rëndësishme strategjike në botë).

Pothuajse e gjithë tregtia në mes Bashkimit Evropian dhe Kinës, Japonisë, Indisë dhe pjesëve tjera të Azisë kalojnë nëpër Bab el-Mendeb çdo ditë. Deri 30 për qind e naftës në botë, duke përfshirë të gjithë naftën dhe gazin natyror nga Gjiri Persik që shkon në Perëndim kalon nëpër Bririn e Afrikës çdo ditë.

Kush e kontrollon Bririn e Afrikës e kontrollon shumicën e ekonomisë së botës. Mountaini tregon se CIA, M16 dhe agjencitë e tjera perëndimore të inteligjencës e dinë shumë mirë se sa kritik është Briri i Afrikës.

Gazetari e preferon skenarin e mëposhtëm: Në qoftë se Somalia dhe / apo Jemeni bëhen të forta, të bashkuara, të pavarura dhe shtete islamike mirë- të armatosura të cilat do të mundnin që për shkak të ndërhyrjes amerikane dhe perëndimore ushtarake në botën muslimane, tua ndalonin shpërndarjen e mallrave evropiane dhe amerikane, naftën dhe gazin natyror që të kalojnë nëpër mes Bab el-Mendebit.

Sa gjatë do të mund të përballonte ekonomia e BE-s pa furnizime të energjisë nga Gjiri Persik ose importeve të rëndësishme aziatike? pyet Mountaini. A është disi e paramendueshme që Amerika dhe aleatët e saj të NATO-s të lejojnë që një skenar i tillë të realizohet?

Kuptimi i kësaj çështjeje është çelësi për ta kuptuar pse fuqitë perëndimore e zbatojnë një politikë të tillë kriminele në Bririn e Afrikës, thotë Mountaini.

Amerika, ende superfuqia e vetme në botë, ka një politikë për përdorimin e marionetave lokale, policisë kriminale, për të bërë punën e saj të ndytë në territoret që janë të një rëndësie kritike dhe të interesit të saj.

Në Amerikën e Jugut, Amerika e përdor Kolumbinë si polici të sajën lokale ose si shkelës të sajin me të cilën përpiqet që ta mbaj rendin në rajon. Në Afrikën Perëndimore Amerika e përdor Nigerin, në Lindjen e Mesme "Izraelin" ndërsa në Afrikën Lindore gangsterin më të madh amerikan të prezentuar si Etiopi.

Çdo vit Amerika dhe satelitët e saj të caktuar perëndimor e "ujitin" regjimin etiopian prej 7 miliardë dollarësh amerikanë për ta mbajtur atë në pushtet. Këtë regjim e udhëheq ish- marksisti-leninisti, lideri gueril Meles Zenawi, gjë që e bën Etiopinë një nga vendet më të pavarura në botë dhe rival me "Izraelin" si një "shtet" që merr ndihmën më të madhe në planet nga Perëndimi.

Për këtë arsye Amerika mund ta urdhërojë Meles Zenawin për të dërguar ushtrinë e tij për ta pushtuar Somalinë në emër të "luftës kundër terrorit", si në vitin 2006 (dhe përsëri në fund të viti 2011 e deri më sot). Më parë, në vitin 2000 Etiopia e ka sulmuar Eritrin, përsëri në emër të Amerikës. Sot, Amerika ua paguan rrogat rreth 10 mijë "rojeve të paqes" ushtarë etiopian të cilët janë të shpërndarë rreth Abajes, një rajon që prodhon naftë, në kufi midis Sudanit verior dhe jugor.

Për këto dhe krime të tjera në shërbim të paktit të Amerikës, kryeministri etiopian Meles Zenawi ka një kartelë apo imunitet "dalje nga burgu pa pagesë" të përhershëm. Ai ka të paktën miliarda dollarë të fshehura, kryesisht në llogaritë bankare të tij në Londër, për një ditë jo aq të largët, kur ai do të ik në fluturimin e tij të fundit nga Adis Abeba, thotë Mountain.

Me ushtrinë më të madhe, dhe të pajisur mirë në Afrikë, kryeministri etiopian ka një detyrë që të brengoset që rajoni që e rrethon Bab el-Mendebin pikën kaluese, që të mbetet në mënyrë të vendosur nën kontroll të perëndimorëve.

Sepse ai që e kontrollon Bab el-Mendebin i ka gishtat e tij rreth qafës së BE-s dhe ekonomisë aziatike. Sot, ndikimi amerikan në këtë rajon bëhet më i vogël, për regjimin etiopian është më afër dita e vdekjes së tij dhe ajo që vije pas largimit të Meles Zanavijut mund ta shkundin botën si ne e njohim atë.

Pika kalimtare e Bab el-Mendebit është strategjikisht e rëndësishme në botën e sotme dhe sa është e rëndësishme mund të gjykohet sipas asaj se sa me kujdes mediat perëndimore raportojnë për këtë rajon. Pothuajse asgjë nuk guxohet të shfaqet në publik gjë që mund ta përshpejtojë ditën e shkuarjes së Meles Zenawit. Melesi duhet të bëjë hap në rrugën e G-20 edhe një herë që e gjithë bota ta sheh se ai ka mbetur mbrojtësi i kontrollit perëndimor të Bab el-Mendebit, thotë Mountaini.

Dita kur Amerika do ta humb kontrollin në Bab el-Mendeb mundet shumë lehtë të jetë dita e fundit e Amerikës si superfuqi e vetme në botë dhe fundi i kontrollit amerikan në botë ashtu si ne e njohim atë.