Si do ta ndije vetën po ta kishe parë të Dërguarin -salAllahu alejhi ve selem-?

Si do ta ndije vetën po ta kishe parë të Dërguarin -salAllahu alejhi ve selem-?
Paramendoje sikur ta takosh Muhammedin -salAllahu alejhi ve selem-, ti dëgjosh fjalët e tij dhe ta shikosh atë s`ka dyshim se menjëherë fjalët dhe veprat e tij do ti vendoje në zemrën tënde në mënyrë që të jetosh gjatë gjithë jetës tënde me Sunnetin e tij.
O ju vëllezër!!!
Para nesh e kemi një hadith që duhet të meditojmë mirë rreth tij, hadithi i të Dërguarit -salAllahu alejhi ve selem-: S`ka besuar askush nga ju derisa të jem më i dashur tek ai se fëmija i tij, babai i tij dhe të gjithë njerëzit e tjerë. (Transmeton Buhariu)
(S`ka besuar...) kjo nënkupton mohimin e Imanit dhe nisja e hadithit me mohimin e Imanit argumenton se ajo që vjen pas sajë nuk është e lehtë dhe e kollajshme.
Pastaj tha: (derisa të jem më i dashur tek ai se fëmija i tij) d.m.th.: Të jetë i Dërguari -salAllahu alejhi ve selem- më i dashur se çdo kush tjetër derisa edhe më i dashur se vetët tona.
I Dërguari -salAllahu alejhi ve selem- e kishte marr për dore Omer ibn Hattabin -radijallahu anhu- dhe i kishte thënë Omeri Pejgamberit -alejhi selam-: O i Dërguar i Allahut! Ti je më i dashur tek unë se çdo gjë tjetër përveç vetës sime, i Dërguari -salAllahu alejhi ve selem- i tha: Jo, pasha Atë që shpirti im është në dorën e Tij s`ka besuar askush derisa të mos jem unë më i dashur tek ai se sa vetja e tij, i tha Omeri Pejgamberit: Tani pasha Allahun ti je më i dashur tek unë se sa vetja ime. I Dërguari -salAllahua lejhi ve selem- i tha: Tash o Omer. (Transmeton Buhariu)
Vendosja e dashurisë së të Dërguarit para çdo gjëje është shtyllë në Iman, d.m.th: Nuk realizohet Imani përveçse me të, çfarë nënkupton kjo?!...
A është kuptimi: Heqja dhe humbja e Imanit ndaj atij i cili e donë dikë tjetër më shumë sesa të Dërguarin -salAllahu alejhi ve selem- apo është për qëllim dobësia e imanit dhe ligështia e tij, apo çfarë?
Kur thotë i Dërguari salAllahu alejhi ve selem (S`ka besuar askush nga ju) kjo përmbledh në vete tri kuptime dhe secila nga këto kuptime është e nxjerr dhe marr nga hadithi i të Dërguarit -salAllahu alejhi ve selem-:
Kuptimi i parë: Mohimi i imanit dhe heqja e tij tërsishtë kështu që personi i tillë bëhet kafir i dal nga feja e Allahut. Kush e donë vetën e tij, fëmijën e tij, babain e tij, apo këndo qoftë më shumë se sa të Dërguarin -salAllahu alejhi ve selem- e respekton atë dhe e nderon atë dhe e vendos para dashurisë së të Dërguarit -salAllahu alejhi ve selem- ky person del nga feja e Allahut.
Kuptimi i dytë: Dobësimi i Imanit dhe sëmundja e tij, mirëpo personi në fjalë nuk del nga feja.
Kuptimi i tretë: Zbritja prej nga shkallët më të larta të Imanit për ndonjë gjë të dynjasë.
Kjo bëhet kur robi ia donë vetës së tij ndonjë gjë e cila është prej mustehabateve (gjërave të preferuara) dhe i len nafilet, apo i vepron disa gjëra të urrejtura duke e pasuar epshin e tij, personi i tillë zbret nga shkallët e larta të Imanit.
Rezultati: Dashuria e diçkaje tjetër më shumë se dashuria e të Dërguarit -salAllahu alejhi ve selem- e heq Imanin apo e dobëson atë apo e zbret nga shkallët e larta të tij.
Në secilën nga këto tri gjendje njeriu nuk shpëton nga mangësimi i Imanit.
Nga kjo bëhet e qartë rëndësia e dashurisë së të Dërguarit -salAllahu alejhi ve selem- më shumë se çdo gjë tjetër, nga kjo bëhet e qartë se duhet të realizohet dashuria e të Dërguarit -salAllahu alejhi ve selem-, si sqarim themi: Realizimi i dashurisë së të Dërguarit -salAllahu alejhi ve selem- nuk realizohet nëse nuk plotësohen tri gjëra:
E para: Dashuria me zemër duke e drejtuar zemrën dhe ndjenjat kah i Dërguari -salAllahu alejhi ve selem-, e përmend atë më shumë se çdo kënd tjetër, përmallohesh për takimin me të, i dërgon salavate atij.
E dyta: Nënshtrimi i plotë dhe mos kundërshtimi i tij, kjo është nga shenjat më të qarta që tregojnë për dashurin e të Dërguarit -salAllahu alejhi ve selem-.
E treta: Ndihma e tij aq sa ka mundësi qoftë me gjuhë apo me dorë apo edhe me zemër e s`ka dyshim se kjo e fundit është imani më i dobët.
Allahu na bëftë nga ata të cilët e respektojnë të Dërguarin -salAllahu alejhi ve selem-, sunnetin e tij dhe nga ata që e ndihmojnë fenë e tij. Amin.
Pergatiti: -Ebu Merjem-
www.botaislame.com