Shpërblimi i sabërlive (durimtarëve)

Titulli: Shpërblimi i sabërlive (durimtarëve) Sat 04 Jun 2011, 12:17

Shpërblimi i sabërlive (durimtarëve)

Pyetja: Tregona për shpërblimin e durimtarëve në këtë botë dhe botën tjetër dhe ata që i kryejnë urdhrat e Allahut?

Përgjigjja: Falënderimi i qoftë vetëm Allahut, Allahu i ka krijuar krijesat që ta adhurojnë atë dhe mos ti bëjnë shokë në adhurimin e Tij dhe i ka urdhëruar me të dhe ka thënë i Lartëmadhëruari: Unë nuk i krijova xhinët dhe njerëzit për tjetër pos që të më adhurojnë. (Dharijat, 56)

Thotë Allahu i Madhëruar: O njerëz, adhurojeni Zotin tuaj, i cili ju krijoi juve edhe ata që ishin para jush ashtu që të jeni të devotshëm (të shpëtuar). (Bekare, 21)

Ky është ai ibadet për të cilin janë krijuar, janë urdhëruar me të dhe kjo është që ti nënshtrohen Allahut në urdhrat e tij dhe të largohen nga gjërat që Allahu i ka ndaluar dhe mos ta harrojnë Allahun duke e përmendu.

Baza e këtij adhurimi është njësimi i Allahut të Lartësuar duke ju lutur vetëm atij, duke u frikësuar nga Ai, duke shpresuar tek Ai dhe adhurimi i sinqertë vetëm për Allahun në të gjitha ibadetet prej namazit, agjërimit.. etj.

Allahu u ka premtuar këtyre mirësi të shumta dhe përfundim të mirë në këtë botë dhe botën tjetër, për botën tjetër ua premtoi xhennetin dhe krenarin tha Allahu i Madhëruar: Bë durim se përfundimi i mirë është për të devotshmit.

Dhe thotë Allahu i Madhëruar: Po ti jepju myzhde durimtarëve. Të cilët, kur i godet ndonjë e pakëndshme thonë: “Ne jemi të All-llahut dhe ne vetëm tek Ai kthehemi”! Të tillët janë që te Zoti i tyre kanë bekime e mëshirë dhe të tillët janë ata të udhëzuarit në rrugën e drejtë. (Bekare, 155-157)

Thotë Allahu i Madhëruar: Sabërlive (durimtarëve) Allahu ua jep shpërblimin pa masë. Thotë Allahu i Madhëruar: Kush bën vepër të mirë, qoftë mashkull ose femër, e duke qenë besimtar, Ne do t’i japim atij një jetë të mirë (në këtë botë), e (në botën tjetër) do t’u japim shpërblimin më të mirë për veprat e tyre.(Nahl ,97)

Ka thënë i Dërguari salAllahu alejhi ve selem: Nuk iu është dhënë askujt mirësi më e mirë dhe më e gjerë sesa durimi. Po ashtu ka thënë i Dërguari salAllahu alejhi ve selem: Çudi është çështja e besimtarit, e gjithë çështja e tij është hajr, nëse e godet ndonjë gjë e pakëndshme e falënderon Allahun dhe kjo është hajr për të, nëse e godet ndonjë vështirësi falënderon dhe prapë kjo është hajr për të dhe kjo nuk është për askënd tjetër përveçse për besimtarin. Durimtari ka përfundim të mirë në këtë botë dhe në botën tjetër ai do të jetë në xhennet nëse duron në devotshmëri për hir të Allahut në nënshtrim ndaj tij, bën durim në atë që është sprovuar me të prej jetës së vështirë, varfërisë, skamjes, sëmundjes, etj.

Thotë Allahu i Madhëruar: Nuk është tërë e mira (e kufizuar) të ktheni fytyrat tuaja kah lindja ose perëndimi, por mirësi e vërtetë është ajo e atij që i beson All-llahut, ditës së gjykimit, engjëjve, librit, lajmëtarëve dhe pasurinë që e do, ua jep të afërmve, bonjakëve, të vërfërve, udhëtarëve, lypësve dhe për lirimin e robërve, dhe ai që e fal namazin, e jep zeqatin, dhe ata që kur premtojnë e zbatojnë, dhe të durueshmit në skamje, në sëmundje dhe në flakën e luftës. Të tillët janë ata të sinqertit dhe të tillët janë ata të devotshmit. (Bekare, 177)

Durimi dhe devotshmëria përfundimin e kanë të lavdëruar në të gjitha rastet, thotë Allahu në të drejtën e besimtarëve kur të takohen me armikun e tyre: Nëse bëni durim (sabër)dhe keni frik Allahun kurthat e armikut nuk mund të ju bëjnë dëm aspak, Allahu është i njohur hollësisht për atë që veprojnë pabesimtarët.

Abdul Aziz ibn Abdullah ibn Bazi Allahu e mëshiroftë

Përgatiti: -Ebu Merjem-

www.botaislame.com

» Çfarë shpërblimi ka agjërimi i ditës së hëne dhe të enjte?