A e vizitojnë apo a e ndiejnë apo a e shohin të vdekurit njëri tjetrin në varre?

A e vizitojnë apo a e ndiejnë apo a e shohin të vdekurit njëri tjetrin në varre?

Përgjigjja: Po, është vërtetuar që shpirtrat e besimtarëve takohen dhe e vizitojnë njëri tjetrin, këto janë disa hadithe që e vërtetojnë këtë duke i përmendur edhe disa fetfah të dijetarëve në këtë çështje.

Nga Ebu Hurejre transmetohet se i Dërguari salAllahu alejhi ve selem ka thënë: Kur është në agoni besimtari i vijnë atij melaiket e mëshirës me mëndafsh të bardh dhe i thonë: Dil i kënaqur dhe i dashur dil për në mëshirën e Allahut dhe tek një Zot jo i hidhëruar në ty dhe del ky shpirt sikurse era më e mirë e miskut dhe e ngritin këtë derisa të arrin tek qielli i parë dhe thonë: Sa i bukur që është ky shpirt i cili ju erdhi juve nga toka dhe i vijnë atij shpirtrat e besimtarëve dhe ata kanë një kënaqësi shumë të madhe për të sesa ndonjëri prej juve që ka për pasurin e tij, i afrohen këtij dhe e pyesin çfarë bëri filani dhe filani dhe i thonë: Lëreni sepse ai ka qenë në valët e dynjasë. Kur të thotë: A nuk ju ka ardhur filani juve a? Thonë: Ai është në Havije (Havije është zjarri me nxehtësi shumë të lartë).

Ndërsa pabesimtarit kur ti vjen agonia e vdekjes i vijnë atij melaiket e dënimit ia mveshin një veshje nga zjarri dhe i thonë: Dil i hidhëruar dhe i përbuzur për në dënimin e Allahut Fuqiplotë dhe del sikurse era më e keqe derisa ta dërgojnë atë tek dera e tokës dhe pyesin çfarë është kjo erë kaq e keqe derisa të sillet tek vendi i kafirave (pabesimtarëve), (Transmeton Nesaiu kurse Shejh Albania ka thënë Hadithi është Sahih).

Ka thënë shejh Islam Iban Tejmijeh Allahu e mëshiroftë:

Sa i përket fjalës a bashkohen shpirti i të vdekurit me shpirtrat e familjes dhe të afërmeve? Transmetohet në Hadith nga Ebu Ejub el-Ensarij dhe prej selefëve të tjerë dhe transmeton Ebu Hatim në Sahih nga i Dërguari salAllahu alejhi ve selem: Kur e bartin të vdekurin melaiket nëpër qiell ai takohet me shpirtrat dhe e pyesin atë për të gjallët dhe i thonë njëri tjetrit lëreni derisa të qetësohet dhe i thonë atij: Çfarë ka bërë filani? Ka punuar punë të mira, i thonë: Çfarë bëri filani? I thotë? A nuk ka ardhur tek ju, i thonë jo, i thonë: Ai është në Havije (Havije është zjarri me nxehtësi shumë të lartë).

Pasi që veprat e të gjallëve iu shfaqen të vdekurve Ebu Derda thoshte: O Allah unë kërkoj mbrojtje që të veproj ndonjë vepër që të poshtërohem me të tek Abdullah ibn Revaha, kjo tregon se të vdekurit mblidhen kur t`ju shkon ndonjë njëri nga kjo botë dhe e pyesin atë kurse ai iu përgjigjet atyre.

Kurse pozitat e tyre në xhennet i marrin në bazë të asaj që kanë punuar ai që është prej të afërmeve pozita e tij është më e larta dhe ata që janë në pozita të larta i vizitojnë ata që janë në pozita të ulëta kurse këta që janë në pozita të ulëta nuk kanë mundësi ti vizitojnë ata të pozitave të larta.

Pa marr parasysh i varrosuri a është larg në dynja apo afër shpirtrat bashkohen me gjithë largësinë që janë dhe largohen me gjithë afërsinë e të varrosurit që janë, varroset besimtari tek kafiri kurse shpirti i tij është në xhennet kurse shpirti i kafirit është në zjarr si p.sh: Dy burra janë fjetur afër njëri-tjetrit zemra e njërit prej tyre kënaqet në gjumë kurse zemrat e tjetrit dënohet kurse afër tyre s`ka pengës.

Ka thënë Ibn Kajjimi Allahu e mëshiroftë:

Meselja (çështja) e dytë e ajo është se shpirtrat e të vdekurve a takohen a e bëjnë vizitë njëri-tjetrin dhe a e njohin njëri tjetrin?

Kjo mesele (çështje) është me vlerë të madhe kurse përgjigjja e sajë është se shpirtrat janë dy lloje:

Shpirtrat të dënuar dhe shpirtra të kënaqur

Shpirtrat e dënuar janë të zënë me dënim dhe janë të penguar nga takimi dhe vizitat kurse shpirtrat e kënaqur takohen dhe e vizitojnë dhe i përkujtojnë gjërat e dynjasë njëri-tjetrit kështu që çdo shpirt takohet me shokun e tij që kanë qenë të njëjtë në vepra kurse shpirti i të Dërguarit tonë Muhammedit salAllahu alejhi ve selem është në shoqërinë më të lartë, thotë Allahu i madhëruar: E kush do që i bindet All-llahut dhe të dërguarit, të tillët do të jenë së bashku me ata që All-llahu i shpërbleu: (me) pejgamberët, besnikët e dalluar, dëshmorët dhe me të mirët. Sa shokë të mirë janë ata! (Nisa 69)

Ky bashkim është i vërtetuar në dynja, në berzah dhe në ditën e gjykimit sepse njeriu është me atë që e donë në të gjitha këto tri periudha, thotë Allahu i madhëruar: O ti shpirt i bindur plotësisht! Kthehu te Zoti yt i vetëkënaqur e i pranuar! Hyn në turmën e robërve të Mi! Dhe hyn në xhennetin Tim! (Fexher 27-30) hyrë në mesin e tyre dhe bëhu prej tyre, kjo i thuhet shpirtit kur është në prag të vdekjes dhe Allahu na ka treguar se shehidat janë: Përkundrazi, ata janë të gjallë duke u ushqyer te Zoti i tyre. Këta: Janë të gëzuar me atë që u dha All-llahu nga të mirat e Tij, dhe atyre që kanë mbetur ende pa i bashkuar radhëve të tyre, u marrin myzhde se për ta nuk ka as frikë dhe as që kanë pse të brengosen.

Kjo argumenton në tri mënyra për takimin e të vdekurve, e para: Ata ushqehen tek Zoti i tyre, e dyta: Kur marrin myzhde dhe përgëzim për ardhjen e vëllezërve të tyre se ata nuk kanë frik e as brengosje, e treta: Fjala -U marrin myzhde- jep të kuptohet se këta e përgëzojnë njëri-tjetrin.

Allahu e din më së miri

islam-qa.com

Përgatiti: -Ebu Merjem-

www.botaislame.com