Virtytet e muajit Sha’ban

Me emrin e All-llahut, të Gjithëshirshmit, Mëshirëplotit

Falënderimi i qoftë All-llahut që krijoi vendin dhe kohën. Dhe paqja qoftë mbi Muhammedin salall-llahu alejhi ve selem, i cili në muajin Sha’ban agjërimin e shpeshtoi si dhe paqja qoftë mbi familjen e tij, shokët dhe mbi të gjithë ata që I përmbahen Kur'anit të lavdishëm.

Virtytet e Shabanit janë dhuratë prej All-llahut Bëmirësit, Dhuruesit.

Usame ibën Zejdi, radijall-llahu anhu, thotë: I thashë Pejgamberit, salall-llahu alejhi ve sel-lem: Të shoh që më së shumti je duke e agjëruar muajin e Sha’banit? Mu përgjigj: “Ky është muaji që njerëzit e neglizhojnë, sepse gjendet mes Rexhebit dhe Ramazanit. Ky është muaji që ngriten veprat te Zoti i botëve, kurse unë dëshiroj që të më ngriten veprat duke qenë agjërueshëm". (Transmeton Nesaiu. Shiko: "Sahihut-Tergibi vet-Terhibi", të Shejh Albanit, rahimehull-llah, fq. 425).
Pse është quajtur Sha’ban?

Sha’ban është emër i muajit (të tetë të kalendarit lunar), kështu është emërtuar sepse arabët shpërndaheshin për të kërkuar ujë, ose sipas disave për shkak të shpërndarjes nëpër shpella, e sipas të tretëve për shkak se gjendet mes muajit Rexheb dhe Ramazan. Shumësi i këtij emri është Sha’banat ose Sheabiin.

Agjërimi i të Dërguarit në muajin Sha’ban:

Duke patur parasysh se Sha’bani konsiderohet si një përgatitje për Ramazan, është e preferueshme që muslimanët të agjërojnë disa ditë në të.

Nëna e besimtarëve Aisha, radijall-llahu anha, thotë: "Pejgamberi, salall-llahu alejhi ve sel-lem, agjëronte sa që mendonim se aspak nuk është duke ngrënë, dhe nuk agjëronte sa që thonim se aspak nuk agjëronte. Nuk e kam parë Pejgamberin, salall-llahu alejhi ve sel-lem, duke agjëruar një muaj të plotë përveç Ramazanit, kurse më së shumti e kam parë duke agjëruar në muajin Sha’ban". (Buhariu dhe Muslimi). Në transmetimin tjetër të Muslimit qëndron: "E agjëronte gjithë Sha’banin, përveç një pjesës së vogël".

Aisha, radijall-llahu anha, gjithashtu thotë: "Muaji më i dashur për ta agjëruar Pejgamberi, salall-llahu alejhi ve sel-lem, ishte muaji Sha’ban, pastaj e vazhdonte me muajin Ramazan". (Shejh Albani, rahimehull-llah, thotë se ky hadith është i vërtetë. Shiko: "Sahih Sunen Ebi Davud", 2/461)

Ibn Haxher rahimehull-llah (All-llahu e mëshiroftë) thotë se: "Ky hadith tregon, shfaq mirësitë e agjërimit në Sha’ban."

Ibën Rexhebi, rahimehull-llah, thotë: "Agjërimi i muajit Sha’ban është më i vlefshëm se agjërimi i muajve të shenjtë, kurse agjërimi më i mirë vullnetar është ai që është më afër Ramazanit, qoftë para ose mbrapa, ashtu sikurse namazet vullnetare (nafile) me farzet, ato që falen para edhe ato që falen mbrapa, domethënë i plotësojnë mangësitë e farzeve. E njëjta gjë vlen edhe për agjërimin. Pastaj ashtu sikurse që sunnetet e rregullta janë më të vlefshme sesa namazi vullnetar, ashtu edhe agjërimi para Ramazanit dhe pas është më i mirë sesa ai që është më larg.

Ibën Rexhebi, rahimehull-llah, gjithashtu thotë: “Sa i përket agjërimit të të Dërguarit Muhammed salall-llahu alejhi ve selem prej muajve të vitit ishte që agjëronte gjatë muajit Sha’ban më shumë sesa në muajt e tjerë” (lata'if elma'arif)

Imam El Sana’ani thotë: "Ky hadith vërteton se I Dërguari I All-llahut salall-llahu alejhi ve selem ka agjëruar në Sha’ban më shumë se çdo muaj tjerër" [Subul esSelam]

Urtësia e të Dërguarit salall-llahu alejhi ve selem për agjërimin e shpeshtë në Sha’ban:

Usame ibën Zejdi, radijall-llahu anhu, thotë: i thashë Pejgamberit, salall-llahu alejhi ve sel-lem: të shoh që më së shumti je duke e agjëruar muajin e Sha’banit? Mu përgjegj: “Ky është muaji që njerëzit e neglizhojnë, sepse gjendet mes Rexhebit dhe Ramazanit. Ky është muaji që ngriten veprat te Zoti i botëve, kurse unë dëshiroj që të më ngriten veprat duke qenë agjërueshëm". (Transmeton Nesaiu. Shiko: "Sahihut-Tergibi vet-Terhibi", të Shejh Albanit, rahimehull-llah, fq. 425).

Një krahasim që tregon prioritetin e muajve të agjërimit:

1. Agjërimi më i mirë pas Ramazanit është në ditët e muajit të shenjtë (Muharrem).

2. I Dërguari I All-llahut salall-llahhu alejhi ve selem e kishte shprehi që te agjëronte në Sha’ban më shumë se në çdo muaj tjetër.

3. Sa i përket agjërimit, pjesa tjetër e muajve janë të barabartë me përjashtim të disa ditëve të cilat ne I kemi të rekomanduara që t’i agjërojmë si dita e Arafatit, e Ashurës, gjashtë ditët e Shevalit , ... etj

Imam Ibn Rexheb rahimehull-llah, në lidhje me dobitë, urtësitë e agjërimit në muajin Sha’ban thotë: "Ashtu si Muhammedi salall-llahu alejhi ve selem ka përmendur, duke patur parasysh se Sha’ban vjen në mes të dy muajve të mëdhenj, Rexheb (një nga muajt e shenjtë) dhe Ramadan (muaji i agjërimit), njerëzit e angazhojnë veten me ata duke neglizhuar dhe duke lënë pas dore muajin Sha’ban. Gjithashtu shumë njerëz mendojnë se shpërblimi I agjërimit në Rexheb i cili është një muaj i shenjtë, është më i mirë se agjërimi në muajin Sha’ban, por kjo nuk është e vërtetë. (lata'if elma'arif)

Shenjat shkencore në agjërimin e muajit Shaban

Kjo është vërtetuar shkencërisht se trupi i njeriut në ditët e para të agjërimit fillon të konsumon rezervat e ruajtura të yndyrërave, proteinave, dhe të tjerave, për të kompensuar mungesën që rezulton nga reduktimi i ushqimit. Si rezultat, disa helme (hormoni adrenalina) qarkullojn në gjakë para se trupi t’i nxjerr jasht ata me të mbeturat. Kjo është arsyeja që njeriu i cilli agjëron ndjen disa simptome si; dhimbje koke, dobësi, nevrik, ndryshim i disponimit dhe ai mund të ofendon, shanë, të tjerët dhe kjo e detyron atë, që ndonjëherë ta prish agjërimin e tij.

Pas disa ditë të agjërimit, këto simptome zhduken kur raporti I hormoneve në gjak kthehet në natyrën e tyre, me dëshirën All-llahut. (kjo është një vërejtje sa i përket agjëruesëve)

Agjërimi vullnetar në muajin Sha’ban konsiderohet si përgaditje mbi agjërimin e obligueshëm të Ramazanit dhe për të hequr vështirësit e agjërimit në fillim të Ramazanit ... All-llahu I Plotfuqishëm ka njohuri më të mirë ....

Agjërimi në fund të muajit Sha’ban

Tregon Ebu Hurejreja, radijall-llahu anhu, se Pejgamberi, salall-llahu alejhi ve sel-lem, ka thënë: "Mos agjëroni para Ramazanit një ose dy ditë, përveç atij që ka agjëruar ditë të zakonshme". (Buhariu dhe Muslimi)

Një shembull I kësaj është ai i cili ka zakon të agjëroj të hënën dhe të enjten, kështu që ai mund t’i agjërojë ato deri në fund të Sha’banit.

I Dërguari I All-llahut salall-llahu alejhi ve selem ka ndaluar agjërimi në ditën (e dyshimtë) e tridhjetë të muajit Sha’ban përveç nëse përputhet me zakonin e tij të agjërimit.

Risitë (bidatet) e natës së pesëmbëdhjetë të muajit Sha’ban (Lejletul Berat):

1 - Të gjitha llojet e festimeve në natën e pesëmbëdhjetë të muajit Sha’ban si tubimet fetare, festimi i saj, recitimi i poezive ose të ushqyerit e njerëzve duke konsideruar se këto vepra janë të transmetuara nga Sunneti i të Dërguarit salall-llahu alejhi ve selem ndërsa ata nuk janë.

2 – Duke falur namaz El Elfie ose namazin Elberae në atë natë.

3 - Gjithashtu duke falur katërmbëdhjetë, dymbëdhjetë ose gjashtë rekate në atë natë.

4 – Duke veçuar namazin e jacisë, në atë natë, me leximin e Surës Jasin ose leximin e disa sureve me një numër të caktuar të kaptinës El-Ikhlas ose duke cilësuar atë natë me një lutje të ashtuquajtur “duaja e natës së pesëmbëdhjetë ”, ata gjithashtu veçojnë të falin dy rekat namaz apo duke lexuar kaptinën Ja-Sin, që kjo dua tu pranohet.

Ndër risitë e kësaj nate gjithashtu, është që veçojnë ditën e saj me agjërim apo duke dhënë lëmoshë, duke pasur bindjen se nata e pesëmbëdhjetë e muajit Sha’ban është më e mirë se nata e Kadrit në vlera.

Hukmi (gjykimi) i festimit të natës së 15 në muajin Sha’ban

Sheikh Abdul-Aziz bin Baz –rahimehull-llah- , ishte pyetur për natën e 15 të muajit Sha’ban a mos vallë ka ndonjë lutje të veçantë?

Ai u përgjigj: Nuk ka hadith autentik (sahih) e të shëndoshë që tregon virtytin e kësaj nate dhe të gjithë hadithet e transmetuara në bazë të vlerave të këtij muaji janë të dobëta, të trilluara, ose të shpikura. Kjo është një natë e rëndomtë dhe nuk ka nevoj të veçohet me këndim të veçantë, namaz apo tubim dhe thënia e disa dijetarëve për veçimin e saj është një mendim i dobët, pra nuk lejohet që të veçohet me diç kjo natë ... dhe kjo është më e sakta.

Lusim All-llahun që t’i udhëzojë mbarë muslimanët që të kapen për Sunnetin e të Dërguarit salall-llahu alejhi ve selem dhe të përqëndrohen në të si dhe të kujdesen prej bidateve dhe gjërave që i kundërshtohen.

Dhe me All-llahun qëndron sukssesi, Ai e din më së miri ...

---

Përktheu:	Ummu Muhlisa
Kuran dhe Sunnet