Frika ndaj Allahut

Titulli: Frika ndaj Allahut Mon 11 Jul 2011, 03:55

Falënderimi i takon Allahut të Lartmadhëruar, që na ka thënë në librin e tij Kuranin Famëlartë: “Dhe Allahu u ka thënë njerëzve: Mos merrni për adhurim dy zota pas meje, ai pa dyshim është një zot prandaj m’u frikësoni vetëm mua”. Paqja dhe mëshira e Allahut qoftë mbi profetin e tij Muhamedin (sala-llahu alejhi ueselem), që ka thënë: “Unë jam më i frikësuari dhe më i devotshmi nga ju ndaj Allahut, dhe mbi të gjithë ata që kur përmendet emri i Allahut u dridhen zemrat, dhe ata që i frikësohen Allahut haptazi dhe fshehurazi.” Paqja dhe mëshira e Allahut qoftë mbi Muhamedin dhe mbarë shokët, familjen dhe ndjekësit e tij dhe më pas:

Allahu, subhanehu ue teala, thotë: “Shejtani jua shtin frikën pasuesve të tij, kështu që mos iu frikësoni atyre aspak, por m’u frikësoni vetëm mua, nëse jeni besimtarë të vërtetë.” Ali Imran, 175.

Ibën Seadi ka thënë: “Ky ajet tregon se frika ndaj Allahut është e detyrueshme dhe kjo është pjesë plotësuese e imanit (besimit) dhe sa është imani (besimi) i robit ndaj Allahut, aq e ka edhe frikën ndaj Zotit.”

Ibën Kajimi ka thënë: “Frika ndaj Allahut është shenjë e imanit (besimit) të saktë dhe largimi i saj nga zemra është shenjë e largimit të imanit (besimit) prej zemrës.”

Ibën Seadi thotë: “Allahu ka urdhëruar për t’iu frikësuar atij, sepse kjo është koka e çdo mirësie dhe kush nuk i frikësohet Allahut, ai njeri nuk i zbaton urdhrat e Tij.”

Disa dijetarë kanë thënë: I mençuri nuk largohet nga tre pika:

1. Të jetë i frikësuar ndaj gjynaheve të kaluara.

2. Nuk e di se çfarë mund t’i ndodhë kohë pas kohe.

3. I frikësohet përfundimit të tij, sepse nuk e di se si do ta ketë atë.

- Gjithashtu frikësimi është nga mesazhet e profetëve: Allahu i Madhëruar thotë në Kuranin Famëlartë: “Ne i kemi dërguar profetët vetëm si përgëzues dhe këshillues për t’ua tërhequr vërejtjen”.

Këshillë: Kjo do të thotë shpallje në mënyrë frikësimi.

- Tërheqja e vërejtjes ndaj sigurisë së dënimit të Allahut. Allahu i Madhëruar thotë në Kuran: “Atëherë a mos u ndjenë të sigurt popujt e këtyre vendeve ndaj ardhjes së ndëshkimit tonë natën dhe ata të fjetur. Apo mos u ndjenë të sigurt popujt e këtyre vendeve ndaj ardhjes së ndëshkimit tonë paradite dhe ata luanin të shkujdesur.
A mos e ndjenë veten të sigurt ndaj kurthit të Allahut? Askush nuk është i sigurt ndaj kurthit të Allahut përveç popullit të humbur”. Araf, 97-99.

Frika dhe llojet e saj.

Ibën Rexhep Hambeliu ka thënë: “Frika normale është ajo që të nxit për të kryer detyrimet dhe të largon nga haramet (mëkatet), nëse teprohet me të dhe e bën besimtarin të shtojë nafilet (adhurime vullnetare) dhe të largohet nga të dyshimtat, kjo është e mirë dhe e pëlqyshme. Nëse e tepron edhe pak në frikë, saqë si pasojë i shpifet ndonjë sëmundje apo mërzitje (pesimizëm), apo vdekje, duke i lënë kështu punët e mira, kjo nuk është e pëlqyeshme.

Ebu Uthmani ka thënë: “Sinqeriteti në frikë është të largohet besimtari nga mëkatet fshehtazi dhe haptazi.”

Ibën Kajimi thotë: “Frika e pëlqyeshme dhe e sinqertë është ajo që ndan mes personit dhe kufijve të ndaluar të Allahut dhe nëse teprohet kjo lloj frike, atëherë shtohet tek besimtari humbja e shpresës dhe bërja pesimist.

Llojet e frikës: Disa dijetarë kanë thënë se frika është: Ose e mangët, ose e tepruar, ose e mesme: dhe më e pëlqyeshme është ajo e mesmja.

1. Frika e dobët: Është ajo që kur dëgjon ose sheh diçka të dhimbshme të rrjedhin lotët pa pushim dhe kur largohet nga ajo gjë prekëse i kthehet zemra e hutuar si më parë. Kjo frikë është e mangët dhe e padobishme.

2. Frika e tepruar: Është ajo kur e tepron nga normaliteti i saj dhe kalon në pesimizëm e humbje të shpresës. Kjo është e papëlqyeshme, sepse të ndalon nga puna.

3. Frika normale : Është ajo që i ndalon gjymtyrët nga mëkatet dhe i fut të veprojnë ato me punë të mira. Frika që nuk ndikon tek gjymtyrët quhet “Mendimet me veten” kjo nuk quhet frikë.

Autor: Muhamed Shuman bin Ahmed Rrumejli
Përktheu: Shaqir Shahu
www.thirrjaevertete.com

» Kuptimi i dëshmisë “Muhamedi është i Dërguari i Allahut” dhe obligimet e umetit islam ndaj saj
» HAZRETI OMERI (R.A.)
» Përqëndrimi në dashurinë ndaj Allahut
» Njeriu që kurrë nuk tregoi mosbindje ndaj Allahut
» MODESTIA - NJË EDUKATË E LARTË E ROBËRISË NDAJ ALLAHUT