Ka ditë të mbetura për ti agjëruar nga Ramazani i kaluar por nuk mund ti kujtohet sa ditë i ka pa agjëruar

Pyetja: Gruaja ime i ka disa ditë pa agjëruar nga Ramazani i kaluar, por ka harruar numrin e saktë të ditëve që duhet ti agjëroj. Çfarë të bëjë?

Përgjigjja: Falënderimi i qoftë Allahut! Ajo çfarë kërkohet nga ai i cili nuk i ka agjëruar disa ditë si arsye siç janë udhëtimi, sëmundja, menstruacionet apo gjakderdhja e lindjes (nifaasi), padyshim është se ato ditë duhet agjëruar sepse Allahu thotë:

“....e kush është i sëmurë prej jush ose është në udhëtim (e nuk agjëroi), atëherë ai (le të agjërojë) më vonë aq ditë...” (El-Bekare,184)

Muslimi në (335) transmeton se Aisha, radijallahu anha, është pyetur: ”Pse gruaja e cila ka menstruacione duhet ti kompensoj ditët e pa agjëruara, por nuk duhet ti kompensoj namazet? Ajo tha: “Kjo është ajo çfarë e ka pas zakon të na ndodh neve dhe na është urdhëruar ti kompensojmë ditët e agjërimit, por nuk jemi urdhëruar ti kompensojmë namazet.”

Nëse gruaja e juaj ka harruar numrin e ditëve që i ka borxh, dhe nuk është e sigurt se a është fjala për gjashtë apo shtatë ditë për shembull, atëherë duhet ti agjëroj vetëm gjashtë ditë, sepse në princip ajo nuk ka borxh asnjë dite (përveç atyre ditëve që është e sigurt se i ka borxh). Por nëse i agjëron shtatë ditë në mënyrë që të jetë më e sigurt, kjo është më mirë, në mënyrë që të jetë më e sigurt se e ka kryer obligimin e saj. Nëse aspak nuk i kujtohet për numrin e ditëve të pa agjëruara, atëherë duhet ti agjëroj atë çfarë është më e sigurt, kështu që ta kryej obligim e saj.

Shejh Uthejmini, Allahu e mëshiroftë, është pyetur: “Është një grua që ka ditë të pa agjëruara nga Ramazani i kaluar, por nuk është e sigurt a është fjala për katër apo tri ditë. Tani i ka agjëruar tri ditë, çfarë të bëjë tani?

Është përgjigj:

“Nëse personi nuk është i sigurt për ditët që duhet ti kompensoj, atëherë duhet ta merr numrin e ditëve që është më pak. Dhe nëse femra apo mashkulli nuk është i sigurt se i ka ti agjërojnë katër apo tri ditë, atëherë le ti marrin ditët më pak, sepse numri më pak është më i sigurt dhe se çka është më shumë se ato atëherë vetëm se është çështje dyshimi, dhe në princip, nuk ka borxh asnjë ditë (përveç atyre se sa është i/e sigurt se i ka borxh).

Megjithatë, për të qenë më të sigurt, duhet të agjërohet edhe ajo ditë për të cilën nuk janë të sigurt, sepse nëse ka qenë obligim, atëherë obligimi do të plotësohet, por nëse nuk është obligim atëherë do të jetë nafile ndërsa Allahu, qoftë i Lartësuar, nuk do të lejoj që të shkoj huq asnjë vepër e mirë”.

Fundi i citatit nga fetfah “Nur ala ed-derb”.

Dhe Allahu e dinë më së miri.

-Robëresha e Allahut-

Burimi: Islam Q&A

www.botaislame.com

» Ramazani - Vlera e ketij muaji
» RAMAZANI, NJË MUAJ I VOLITSHËM PËR TË RIPËRTËRIRË IMANIN
» Du'atë për çdo ditë të Ramazanit
» NESËR DITË PA PUNË
» Babi, a mund t’i kem $10?