Me kujdes zgjedhe anën

Titulli: Me kujdes zgjedhe anën Tue 06 Sep 2011, 15:10

Nëse Allahu dhe Pejgamberi, salallahu alejhi ve selem, janë në njërën anë, ke kujdes mirë që ti mos të jesh në anën tjetër, sepse një akt i tillë të shpie në kundërshtim dhe armiqësi ndaj Allahut dhe Pejgamberit, salallahu alejhi ve selem.

Mos e nënçmo këtë sepse ky është edhe hapi i parë i asaj rruge që i afrohet fundit, ndërsa pak devijim të ngreh tek devijimi i madh. Bëhu në anën në të cilën janë Allahu i Lartësuar dhe Pejgamberi, salallahu alejhi ve selem, edhe nëse të gjithë njerëzit janë në anën tjetër, sepse në fund do të kesh lavdërim dhe rezultat të lakmueshëm, në realitet më të mirin. Ndërsa për robin, asgjë nuk është më e vlefshme dhe më parësore, si në dunja ashtu edhe në ahiret, që të jetë në anën në të cilën janë Allahu i Lartë dhe Pejgamberi i Tij, salallahu alejhi ve selem.

Për fat të keq, shumica e njerëzve janë në anën e kundërt, në safë apo radhë të gabuar, e në veçanti nëse besimtarët i godasin sprova të dhembshme apo nëse dynjaja u hapet mosbesimtarëve. Thuajse nuk mund ta gjesh asnjë që është në anën e Allahut dhe Pejgamberit, salallahu alejhi ve selem. Nëse edhe ndokush do të qëndronte në anën e drejtë, njerëzit do ta merrnin si të papjekur, mendjelehtë, edhe si të marrë. Kjo është në realitet, akt i trashëguar dhe qëndrim i armiqve të Dërguarit të Allahut. Ata besimtarët, që kanë qëndruar në anën e së vërtetës në kohën kur njerëzit tjerë kanë qenë në anën tjetër, të gabuarën, i kanë quajtur të marrë. Dhe, ai i cili vendos të jetë në anën e Allahut të Lartësuar dhe të Dërguarit, salallahu alejhi ve selem, duhet të përgatitet mirë dhe ta mësoj atë me çfarë ka ardhur Pejgamberi, salallahu alejhi ve selem, nga Zoti i tij, në mënyrë që në këtë, pa aspak dyshimi, të jetë i bindur fortë, dhe duhet të armatoset me durim me të cilin mundet ta kaloj armiqësinë e atyre që ia shfaqin përmes fyerjeve, përqeshjeve dhe talljeve.

Dhe këto dyja nuk mund ti plotësosh përveç me vendosje të fortë dhe dëshirën për Allahun e Lartësuar dhe jetën e ahiretit, ashtu që ahireti bëhet më i vlefshëm se sa dynjaja, ndërsa Allahu dhe Pejgamberi, alejhi selam, më të dashur se vetë dynjaja dhe tërë ajo çfarë gjendet në të.

Në vetë fillim për njeriun nuk ka asgjë më vështir se sa kjo, sepse shpirti i tij, epshi, lakmia, shejtani, familja, miqtë dhe të tjerët e thërrasin drejt dunjas dhe kënaqësive të saj. Nëse i kundërshton, ata do t’ua presin rrugën me flamuj të luftës dhe armiqësisë. Por nëse i bënë ballë asaj dhe e sundon sabri atë, atëherë do ta fitoj edhe ndihmën e Allahut, kështu që e vështira dhe dhembja i bëhen të lehta dhe të dashura, sepse Zoti Fisnik i Lavdëruar, Shekur, do ti jap robit ta shijoj ëmbëlsinë dhe kënaqësinë e vështirësisë dhe dëshirën ndaj Tij dhe të Dërguarit të Tij. I tregon nder robi të Tij në mënyrë që të rritet kënaqësia, gëzimi dhe lumturia, ndërsa zemra ndien qetësi dhe lehtësim. Robi do të jetë i ndihmuar me fuqinë e Allahut, i rrethuar me gëzim dhe lumturi të cilën vetëm Ai e jep, ashtu që do ta nderojnë edhe armiqtë e tij do ti frikësohen, do ta ngritin flamurin e pajtimit, e tërheqin apo i ofrojnë ndihmë. Ushtria e robit forcohet, ndërsa ushtria e armikut humb.

Andaj me kujdes zgjedhe anën sepse Allahu i Lartë ka premtuar se do të fitojnë ata që janë në anën e Tij ndërsa do të shkatërrohen ata që janë në anën e shejtanit.

Duke folur për besimtarët Ai thotë: “Të tillët janë palë (grup, parti) e All-llahut, ta dini pra, se ithtarët e All-llahut janë ata të shpëtuarit.” (Muxhadele, 22)

Ndërsa duke folur për pabesimtarët:

“Ata janë shoqëri e djallit, e dijeni se ithtarët e djallit janë më të dëshpëruarit.” (Muxhadele, 19)

dhe në fund:

“E kush mund të jetë më i vërtetë se All-llahu në thënie?” (En-Nisa, 87)

E lusim Allahun Fisnik që të na ringjall si musliman dhe të na vdes si musliman dhe të na bashkoj me të devotshmit, e jo me të nënçmuarit dhe të privuarit, prej mëshirës Tënde, e Ai është më Mëshiruesi.

Paqja dhe shpëtimi qofshin mbi Muhammedin, mbi familjen dhe të gjithë sahabët. Amin!

www.botaislame.com

» Kujt i obligohet agjërimi i Ramazanit?
» Lexo me Kujdes
» KUJDES EDUKATËN ISLAME GJATË TELEFONATËS !