Përshkrimi i Xhehenemit dhe dënimeve e tmerreve të tij.

Duke e përshkruar Xhehenemin el-Gazali, Allahu e mëshiroftë, thotë: ''Hej ti që për vete nuk kujdesesh dhe që je dhënë pas punëve të kësaj bote të destinuar për shkatërrim, pusho së menduari për atë që po e braktisë dhe tërë vëmendjen përkushtoja vendbanimit tënd të ardhshëm, ngase në fjalët e Lavdiplotit paralajmërohesh se Xhehenemi do të jetë cak për të gjithë:

''Dhe çdonjëri prej jush do të arrijë te ai! Zoti yt e ka premtuar këtë! Mandje ata që janë ruajtur nga mëkatet do t'i shpëtojmë, ndërsa jobesimtarët do t'i lëmë të mbesin në të duke e lutur në gjunjë. (Merjem, 71-72)

Me siguri edhe ti do të arrish deri te ai, dhe nuk do të dish a do të shpëtosh, Prandaj në zemër mendo mirë për tmerret e cakut, ngase ndoshta do të fillosh të përgatitesh për të shpëtuar?! Paramendo vetëm si do të duken njerëzit, në Ditën e gjykimit pasi që e kanë bërë atë që e kanë bërë. Paramendo se , gjersa do të qëndronjë në frikë dhe mjerim, duke pritur me padurim çka do të pasojë dhe a do të ndërmjetësojë dikush për ta, mëkatarët do t'i mbulojë errësira e ndarë në tre shtresim dhe drejt tyre do të afrohet zjarri i tërbuar.

Paramendo vetëm atë pamje, kur nga frika, të gjithë njerëzit do të përkulen në gjunjë, që madje edhe të pafajshimit do të kenë frikë nga përfundimi i keq! Paramendo vetëm çfarë frike do të jetë, kur të afrohen ndonjë nga zebanitë dhe të pyesë: 'Ku është filan filani, i cili në dynjallëk ka shpresuar aq shumë në dynjallëk, duke shtyrë çdo gjë dhe që tërë jetën e ka kaluar me vepra të këqija?! Paramendo vetëm sa tmerr do të jetë, kur do të fillojnë ta godasin me tokmakë të hekurit, t'i kanosen me dënim të tmerrshëm, do ta dërgonjë në vuajtje të ashpër dhe do ta hedhin kryekëmbë në fund të Xhehenemit, duke i thënë:
''Provoje, paj ti je, me të vërtetë, 'i fuqishëm' dhe 'i respektuar'. (Ed-Duhan. 49).

Paramendo vetëm si do ta kenë kur do të futen në një shtëpi të ngushtë nga të gjitha anët, shtëpi me hyrje të errëta, me fatkeqësi tmerruese, shtëpi në të cilën do të mbeten përjetë të ngujuar, nën të cilën do të ndezët zjarri i tërbuar, në të cilën do të pinë ujë të valuar, ndërsa Xhehenemi do të jetë vendqëndrim i tyre, shtëpi në të cilën Zebanitë do t'i godasin me tokmakë hekuri në kokën dhe ku do të tubohen në skëterrën e Xhehenemit!.
Në të do të kërkojnë vdekjen, pranga nuk do t'u hiqen kurrë, këmbët me flokë do t'ua lidhin, fytyrat do t'u nxihen nga mëkatet. Do të ftohen nga vendqëndrimet e tyre dhe do të qajnë e vajtojnë: 'O Malik, kanosja ngaj neve është përmbushur! O Malik, lëkurat na janë djegur! O Malik , na shpëto prej këtu, kurrë më nuk do të bëjmë atë që e kemi bërë!, Pas kësaj zebanitë do t'u përgjigjen: 'Larg asaj se do të keni qetësi ndonjëherë më! Nuk ka për ju dalje nga shtëpia e poshtërimit! Rrini në të të përbuzur dhe mos folni gjë! Dhe po të dilni nga ajo sërish, si dhe më parë, do të bënit atë që u është ndaluar'.

Atëherë do ta humbin çdo shpresë dhe, ngase e kanë tepruar në mëkate ndaj Allahut, do të pendohem. Mirëpo, nga dënimi nuk do t'i shpëtojë dot pendimi, as do t'u ndihmojë pikëllimi, por, të mposhtur, do të flaken dhe zjarri do t'i kaplojë nga të gjitha anët; mbi, nga e djathta dhe e majta, dhe do t'u zihet fryma nga zjarri. Ajo do t'u bëhet edhe ushqimi, edhe pije, edhe veshje edhe shtrat. Kahdo të kthehen, do të kenë vetëm zjarr, këmisha nga katrani, tokmakë hekuri dhe zinxhirë të rëndë.

Kështu do të ndihmojë në ngushti, do të sfiliten nëpër humnera dhe do të gostiten deri në alivani. Do të zihen dhe digjen në zjarr, siç ziejnë kazanët, do të qajnë dhe vajtojnë, dhe çdoherë kur luten për shkatërrimi, në kokat e tyre nga lartësia do të derdhet ujë i valuar, prej cilës do t'u copëtohen stomakët dhe lëkurat e tyre. Do të rrihen me tokmakë hekuri me të cilët do t'u thyhet kokat e tyre, pastaj do të vjellin qelba nga goja, ndërsa nga etja do t'u pëlcasin mëlçitë. Faqeve do t'u derdhen bebet e syve, ndërsa nga mollëzat e fytyrës do t'u shkëputet mishi, ashtu që do ta ftojnë vdekjen, por nuk do të lejohen të vdesin.

---------------------------------------------------------------------------------------------------------------------------------------------------------------
64. Veni re, se vetëm në pushtetin e All-llahut është çka ka në qiej dhe në tokë. Ai e di gjendjen tuaj
(besimin apo hipokrizinë), e ditën kur i kthehen Atij, Ai do t'u kallëzojë atyre për atë që vepruan.
All-llahu është i dijshëm për çdo send. (24-Nur)