Albin Kurti: BE të mos i japë Serbisë statusin kandidat

PRISHTINE- Lideri
i Lëvizjes Vetëvendosje, Albin Kurti kërkon nga BE-ja që mos i japë statusin e
kandidatit Serbisë. Kurti, ka nisur nga një letër në adresë të 27 ministrave të
punëve të jashtme të shteteve anëtare të BE-së ku ka renditur arsyet për të
cilat, sipas tij, Serbisë nuk i duhet dhënë statusi i vendit kandidat për
anëtarësim, shkruan sot gazeta kosovare Koha Ditore.

Teksa
shfaq drojën se Serbisë po i lehtësohet marrja shumë shpejt e statusit të
kandidatit, Kurti ka bindjen se BE-ja beson, gabimisht, se kjo është metoda më e
mirë për ta mbajtur Serbinë nën kontroll dhe në gjendje të qendrueshme. Kështu,
sipas Kurtit, BE-ja mendon se do të forcojë klasën politike të moderuar në
Serbi. “Por, pikërisht nën këtë udhëheqje Serbia ka lobuar aktivisht kundër
pavarësisë së Kosovës në arenën ndërkombëtare dhe ka punuar për ta minuar
sovranitetin dhe integritetin territorial duke financuar dhe drejtuar strukturat
ilegale shtetërore brenda Kosovës”, ka shkruar lideri i Vetëvendosje.

» Serbisë, “jo” statusin, por inkurajim për në mars 2012?
» Pushteti i Sirisë si ai i Serbisë
» Lugina nuk voton për president të Serbisë
» Serbisë i shtyhet statusi i kandidatit