Maqedonia kundër ndarjes së Kosovës

Titulli: Maqedonia kundër ndarjes së Kosovës Sat 08 Oct 2011, 22:01

Maqedonia kundër ndarjes së Kosovës

Kosovë

Maqedonia kundër ndarjes së Kosovës

Maqedonia është kundër bisedimeve për ndarjen e Kosovës, sepse kjo do të mund të destabilizonte tërë rajonin, ka thënë kryetari i Maqedonisë, Dorde Ivanov.

“Maqedonia me vëmendje po ndjek situatën në Kosovë dhe raportet mes Prishtinës dhe Beogradit. Jemi të vetëdijshëm se zhvillimet e tashme vështirësojnë bisedimet, por mendoj se ato duhet të vazhdojnë, për të gjitha çështjet për të cilat mund të shënohet përparimi”, ka thënë Ivanov në një intervistë për “Tanjug”.

Në lidhje me bisedimet eventuale për ndarjen e Kosovës, ai ka thënë se “kjo do të mund të sillte pasoja të cilat do t’i tejkalojnë të gjitha telashet që i kemi tash”.

Ivanov ka thënë se pavarësia e Kosovës është fakt i pranuar për shumicën e shteteve në rajon dhe në Evropë dhe se ndonëse i kupton qëndrimet serbe, duhet tentuar “që raportet të mos përkeqësohen më shumë”.

“Ne nuk mund t’i themi Serbisë ose Kosovës se si t’i rregullojnë raportet e tyre”, ka thënë presidenti maqedonas, “por duhet të luftojmë për interesat tona, që të mos ketë destabilizim tjetër të rajonit”.

Duke folur për demarkacionin me Kosovën, të cilin e kundërshtonte Serbia, Ivanov ka thënë se Maqedonia është një ndër shtetet e rralla në rajon që nuk ka asnjë problem territorial me fqinjët dhe se për këtë e ka mbështetjen e BE-së.

» Serbët të ndarë rreth ndarjes së Kosovës
» Në Serbi me pasaporta të Kosovës
» ISLAMI SI IDENTITETI MË I THEKSUAR I KOSOVËS
» Festival kundër Islamofobisë në Zvicër
» Motër e vëlla bashkëshortë, Strasburgu kundër